| خرجت على الشاشة لتشكي بصوتٍ متهدل ..
قلنا لن تجوع هذه المرأة بعد اليوم ...فالبلاد مليئة بأصحاب الثراء والأموال والخير الوفير
ستشبع تلك المرأة المتهشمة وستُشبع بناتها ...
ومر وقت طويل واليوم وفي الساعة 5مساءً فتحت (اليوتيوب )لأشاهد مقطع مقابلتها ووجدت رقمها فاتصلت بها فقط لأسأل عن أحوالها أتراها أصبحت بخير من بعد تلك المقابلة ..؟!
وعجبي ليتني لم أتصل فلم يكن بقلبي أي متسع لمزيد من الأسى ...وربي الله
لم يحركهم صوتها لم يحركهم
قالت لي شئ رغم انها ليست من النوع الذي يكثر التشكي فهي متعففة جداً
قالت شيء مهم عن المليارديرات ...
انا –ياخالة انا ماني مليونيرة او مليار ديره أنا موظفة عادية بس ...فقاطعتني
لاااا المليارديرات مايطلعونها بياخذونها معهم بقبورهم >>تقصد أموالهم
والله اني اشعر بصوت الجوع بتلك المرأة ياجماعة...
هي لا تريد مال تريد أكل ..لحم لو كان لحم .........
حسبي الله ونعم الوكيل رقمها وعنوانها واسمها الكامل لدي لمن يريد مساعدتها ...
أما هذه القصيدة فهي وليدة الموقف واللحظة على لسان الخالة(ام قاسم الحربي )
بـلادي يابـلادي مانثـرت اللـول والمـجـدول
على حضن الرصيف الشاحب المتهالـك البالـي
حفظتك وانتحيت بحزني لدرب الشقـا المجهـول
وقلت اربط على بطـن الخـوا يمكنّـه اشوالـي
سكتْ وزفرة الجـوع اللعيـن اتفكّـك المقفـول
ستاير صدري سمول وأنـا ام(ن) مالهـا والـي
نعم عندي كرامة بس مااقدر واستحـي لااقـول
عيالي ؟ من يجي ويشوف بيتي وأصغر عيالي؟!
انا مالي أهل /مالي وتد /مالـي ولا لـي حـول
بناتي سـتْ ووليـدي صغيـر وماتـوا رجالـي
تعبت اصرخ وانادي عن مصيري منهو المسئـول
من اللي لو نصيتـه وانتخيتـه ينظـر لحالـي؟
من اللي ينتزع لي حقـي المسجـون والمغلـول
ورى بيبان حـرّاس الحقـوق وبيـت الاموالـي
من اللي ينتشلني من رغامـة حظـي المشلـول
من اللي يفتـح ابـواب الأمـل ويرجّـع آمالـي
سنين وطير فرحتنا علـى كـف الشقـا مقتـول
بوقت(ن) تفرح الناس وتعييش بخيـر الاحوالـي
سكتْ وماحد(ن) منكم طرح لي عـذره المقبـول
ومـ..شفت اللي جبينه من رقيق الحـال يندالـي
كبود(ن) ماتناوشهـا الظمـا ولاّ الكـلام يطـول
عن اللـي نامـت عيونـه ونومـي ماتهيالـي
سهرت ارْقب بطون السته ورمشى غفـا مبلـول
وصحيت ومالقيت بوجهـي إلا شمـس غربالـي
انا ضاعت حياتي بيـن جـاك وروّح المرسـول
عشان اللقمة اللي قِدّمت لرجـال الأعمالـي ..!
لبست من الحزن عقد ولبست من العذاب حجـول
وسيف الضيم عن عـد القـراح يمـزّق حبالـي
بـلادي يابـلادي لاتحسبيـن الصـدر مفـلـول
وربي ماشكيت وفيه شي(ن) غيييير مـا انقالـي
تشوفيني على ذاك الرصيف ومامعـي محصـول
تراني من سنين اجلس به اجمع باقي اوصالي..!
انا مارحت انقّض من عذابـي وارجـد المجـدول
انا بنتـك وانـا ام جنـودك امّمضيـن الافعالـي
بـلادي ماطلبتـك مـال لكنـي بغيـت آقــول
عطيني (بس ) من خيرك (لحم) و(ايدام) لعيالي..!
واذا مت وملف اللقمـة الشايـك بـدون حلـول
بناتـي يابـلادي مالهـن عـم (ن) ولا خالـي
امانه لا يجيهن من صـدوف النايبـات احمـول
ضعيفـات وزمـان الفتنـه اينـادي بالأهوالـي
بـلادي يابـلادي يابـلادي مابقـى بـي حـول
على ذاك الرصيف الشاحـب المتهالـك البالـي
ويارب فرج هم المهمومين
كبرياااء | 
الصفــحــة الرئيـــسـيــــة 
